← Ermi

Skilmálar og persónuverndarstefna

Síðast uppfært 17. september 2026

Hér er sagt á einföldu máli hvað Ermi gerir, hvaða upplýsingar eru geymdar, hvers vegna, hversu lengi og hvaða rétt þú hefur.

1. Hvað Ermi er — og er ekki

Ermi hjálpar fólki fyrir og eftir efnaskiptaaðgerð (magaermi eða magahjáveitu) að halda utan um vökva, máltíðir og prótein, fylgjast með þrepum í mataræði og fá áminningar.

Ermi kemur ekki í stað ráðlegginga frá heilbrigðisstarfsfólki. Upplýsingar um þrep og mataræði eru teknar saman úr fræðsluefni (t.d. frá GB Obesitas og Landspítala) og geta verið aðrar en þínar leiðbeiningar. Fylgdu alltaf ráðum þíns teymis. Ef þú veikist eða ert í vafa skaltu hafa samband við teymið þitt eða hringja í 112 í neyðartilvikum.

2. Þín ábyrgð og okkar

Þú notar Ermi á eigin ábyrgð. Appið heldur utan um það sem þú skráir og minnir þig á, en allar ákvarðanir um mataræði, vökva og heilsu tekur þú sjálf/ur í samráði við þitt heilbrigðisteymi.

Ermi geymir gögnin þín, fer með þau eins og lýst er hér og eyðir þeim þegar þú vilt. Hafðu samband á info@ermi.tech með allar spurningar um gögnin þín.

3. Hvaða upplýsingar eru geymdar

• Aðgangur: netfang, gælunafn og lykilorð (aðeins sem óafturkræft hash — enginn getur lesið lykilorðið þitt).
• Heilsufarsupplýsingar sem þú skráir: tegund aðgerðar og aðgerðardagur, vökvi, máltíðir, prótein og hvernig máltíðir gengu.
• Stillingar: hvenær þú vilt fá áminningar og þrepin þín.
• Tilkynningar: ef þú kveikir á þeim, tæknileg slóð tækisins sem tekur við tilkynningum.
• Notkun: dagurinn sem þú notaðir appið síðast, og misheppnaðar innskráningartilraunir (til að verjast innbrotum).

Við biðjum ekki um fullt nafn, kennitölu, símanúmer eða heimilisfang.

4. Til hvers

Eingöngu til að appið virki fyrir þig: sýna stöðu dagsins, dagbókina og þrepin, og senda þér áminningar. Gögnin eru ekki seld, ekki notuð í auglýsingar og ekki afhent öðrum. Engar auglýsinga- eða greiningarkökur eru notaðar; eina kakan heldur þér innskráðum.

Heilsufarsupplýsingar eru viðkvæmar persónuupplýsingar. Þær eru unnar á grundvelli afdráttarlauss samþykkis sem þú gefur við nýskráningu. Þú getur afturkallað það hvenær sem er með því að eyða aðganginum.

5. Hvar gögnin eru geymd og hver kemur að þeim

• Hýsing: simply.com í Danmörku, innan Evrópska efnahagssvæðisins (EES).
• Tilkynningar: fara í gegnum tilkynningaþjónustu símans eða vafrans (t.d. Google eða Apple). Innihald tilkynninga er dulkóðað svo þjónustan getur ekki lesið það.
• Tölvupóstur: sendur frá hýsingunni, aðeins þegar þú biður um nýtt lykilorð eða til að vara við eyðingu aðgangs.

Öll samskipti við Ermi eru dulkóðuð (HTTPS).

6. Hversu lengi

• Gögnin eru geymd á meðan þú notar Ermi.
• Ef þú notar appið ekki í 30 daga hættum við að senda þér áminningar. Þær byrja aftur um leið og þú opnar appið.
• Ef þú notar appið ekki í 12 mánuði er aðganginum og öllum gögnum eytt varanlega. Við sendum þér tölvupóst 30 dögum áður; ef þú skráir þig inn fyrir þann tíma er ekkert eytt.
• Upplýsingar um sendar áminningar eru geymdar í 7 daga og misheppnaðar innskráningar í sólarhring.
• Ef þú eyðir aðganginum sjálf/ur er öllu eytt strax.

7. Réttindi þín

• Að sjá gögnin: allt sem þú hefur skráð sést í appinu. Þú getur líka beðið um afrit á info@ermi.tech.
• Að leiðrétta: þú getur breytt stillingum og eytt einstökum færslum í appinu.
• Að eyða: í Stillingum → Eyða aðgangi er aðganginum og öllum gögnum eytt varanlega og strax.
• Að kvarta: ef þú telur að farið sé illa með gögnin þín geturðu kvartað til Persónuverndar.

8. Notkunarskilmálar

• Ermi er ókeypis og veitt „eins og það er“. Við gerum okkar besta til að appið virki og sé rétt, en getum ekki ábyrgst að það sé alltaf aðgengilegt eða villulaust.
• Notkun er á eigin ábyrgð. Þú berð ábyrgð á því sem þú skráir og á ákvörðunum um mataræði og heilsu, í samráði við þitt teymi. Ermi tekur ekki ábyrgð á afleiðingum þess að fylgja eða fylgja ekki því sem birtist í appinu.
• Appið getur misst úr áminningum, til dæmis ef netið eða tilkynningaþjónusta símans bregst. Ekki byggja eingöngu á áminningum Ermi.
• Haltu lykilorðinu þínu leyndu. Ef þú heldur að einhver annar hafi komist inn skaltu breyta lykilorðinu strax.
• Við getum lokað aðgangi sem er misnotaður, t.d. til að valda álagi eða komast í gögn annarra.

9. Breytingar

Ef við breytum þessum skilmálum á þann hátt sem skiptir máli fyrir gögnin þín látum við vita í appinu áður en breytingin tekur gildi.